-[اسم الوصفة] : سمكة في الطاجين + طبق بالشعرية الصينية والقمرون
– [صاحبة الوصفة] : عاطفة
– [الوصفة منقولة] : لا
– [الوصفة مجربة] : نعم
– [مدة تحضير الوصفة] : ساعة
قبل ايام حضرت واحد السمكة طايبة في الطاجين مع الخضر وكنت بغيت هديك السمكة يكون معاها الشعرية الصينية والقمرون لكن السمكة صغيرة منقدرش نعمرها لذلك طيبت كل حاجة بوحدها
خذيت الطاجين حطيت فيه دوائر مطيشة وفوق منها دوائر البطاطا
هدي السمكة لي طيبت مغسولة ومنظفة مزيان
جمعت ليها شرمولة المعروفة لي كنشرملو بها الحوت
زدت دوائر الفلفلة حمراء
الزيتون والحامض
وشرمولة لي بقات زدت شوية ديال الماء وخويتها فوق الخضر
مع الزيت الكافي طبعا لي خلطتو مع زيت العود
هاهي منين طابت
بالنسبة للشعرية الصينية
خذيت 2 بكيات ديال 100 غ يعني استعملت 200 غرام
حطيتهم لدقائق في الماء المغلي ثم صفيتهم وقطعت الشعرية لقطع صغيرة
اما القمرون خذيت رابعة شحرتو في الزيت لدقائق مع الملح والبزار
وزدت عليه الشعرية الصينية لي كنت محضرة وزدت شوية الملح والبزار لان القمرون حطيت ليه غير قياسو فقط
وزدت عليهم صويا صوص
حركت شوية العناصر حتى اندمجت وطفيت عليهم العافية.
الشكل النهائي
